Rrjeti i Bizneseve të Diasporës Shqiptare në Botë, në vazhdimin e agjendës së tyre, ata e vizituan kampusin e Universitetit për Biznes dhe Teknologji (UBT) në Lipjan.

Krerët e RrBDSh-së, u takuan edhe me rektorin e UBT-së, Edmond Hajrizi, ku e zhvilluan edhe një takim privat mes tyre.

Rektori i UBT-së, Edmond Hajrizi ka ndarë çmimin “Honor Degree – Leadership Excellence Aëard” për Christopher Hyland dhe Jim Xhema.

Në pamundësi të pjesëmarrjes së Jim Xhema, çmimi i’u dha Christopher Holand që ta përrcjellë tek ai.

“Kontributi dhe përkrahja e jashtëzakonshme ndaj popullit të Kosovës për lirinë dhe pavarësinë, konsolidimin e miqësisë mes dy kombeve dhe shteteve dhe ngritjen e vlerave shqiptare në Shtetet e Bashkuara”.

Rikujtojmë se, Rrjeti i Bizneseve të Diasporës Shqiptare në Botë, gjatë kësaj jave kanë shikuar mundësitë e investimeve në Kosovë.

Gjatë fjalimit të Christopher Hyland në UBT ai e përmendi edhe luftën në Ukrainë, duke shtuar se e njëjta do të ndodhte me Kosovën nëse nuk do të kishte ndërhyrë ish presidenti i SHBA-së, Bill Klinton.

“Kjo që ka ndodh në Ukrainë do të ndodhte në Kosovë nëse Bill Clinton nuk do të kishte ndërhyrë”, tha ai./arbresh.info/